Admin
Admin
المساهمات : 105
تاريخ التسجيل : 03/05/2009
 | موضوع: جاني الديب ( زجلية )  الأحد مايو 17, 2009 7:14 pm | |
| جاني الديب
هاحكي لكوا حكاية:
مرة زمان يا أخوانا00
جاني الديب متخفي
ومخبي الديل ورا ديل قفطان
قاللي ما تيجي نبقى صحاب
قلت وماله ما أنا ليا أصحاب
بس أنا شايف انك شكلك
زي ما اكون بقراه ف كتاب
قاللي ازاي؟
قلت أنا شايف عينك 00
حمرا 00 ياخضرا
وأنا تقلقني عيون ألوان
قاللي ياراجل اوعى تخاف
هو أنا زي قميص الاكتاف
قلت أنا طيب 00 نبقى صحاب
بس أمانة عليك توعدني
انك يوم ما تخني
قاللي وعدتك اني ف يوم ما هخونك
طول ماحنا صحاب
قلت موافق00 أصل أنا أصلي 00راجل فلاح
وحدانا ف غيطنا 00 لما الدودة بتطلع
تتطلع دودة00 ما بتطلعش كلاب
وأما بنغرس شجرة 00 بتطلع شجرة
ما بتطرحش هباب
وأما يجينا فيضان 00 بيقول أنا فيضان
وأما الدنيا بتشتي00 بينزل ميه00 ما بينزلش فران
علشان كده يااخونا0باصدق أي جبان
فجريت دوغري اقول لولادي
خلاص ياولاد00بعد الغربة00
وبعد التوهه 00بقى لنا صحاب
قالوم مين؟
قلت أنا مالك ياواد انت وهوا
البسوا ياله هدوم النادي
أصلي زمان ياولادي 0
0 أنا كان لي صحاب
وكانوم ايه 00 نوار نادي
برا النادي وجوا النادي
واما الدوده بتيجي ف الزرعه
كانوا بييجوا ينقوا معانا
واما تشب حريقه ف دارنا
00 يطفوا معانا
واما يموت لنا ميت
00 ياخدوا عزانا
واما يلاقوا الفرح ف دارنا
يدعوا معانا
كانوا صحيح أصحاب
مش زي الناس اللي صاحبتوهم
من مداسكم
لأ00رجاله بحق
رد الواد أبو لسان زالف 00
قاللي يابابا
أصل الناس هنا هما الناس!!!!!!
قلت له اسكت يابني 00
هتعرف أكتر مني!!
دا انا ليا تجارب
انت تظن ان انا حاجه بسيطة0
0 دانا راجل فاهم
ومفيش حد بيعرف أكتر مني0
قاللي صحيح00 صاحبك فلاح ؟
قلتله اسكت يااااد 00 أمال ايه
هو صحيح00عيونه بتدي ضي خضار
بس أكيد فلاح
ما انت ياواد 00 رحت البر الشرقي حدانا
وشفت هناك 00 يااااما عيونهم خضرا
زي لويس الكام ؟000 والله ما فاكر
أصله ياواد كان عدى هناك 00
ع البر الشرقي
ولويس دا ياواد كان ساحر
كل ما يمشي ف حته 00 تطرح خضرة
تيجي عيال ألوان
آه لو كنت أيامها أنا عايش00
كنت رويت الأرض بدمه
يمكن يطرح خضره
بس غريبه
ان الناس ف البر الشرقي00
عيونهم خضره
بس الأرض بوار ياولاد0
حاجه تجنن
مش كان يمشي عليها شويا
الأخ لويس
منهم لله
00 أسروه ف المنصوره
ربطوه ف زريبة00
جنب طوالة الحاج حسين
مانتاش فاكره؟000 آه كنت صغير لسه
منهم لله 00 لا منهم سيحوا دمه يرش خضار
00 ولا همه أخدوا تمنه00 عقب سيجاره
بس انا سامع ان لويس دا يا واد
كان هفتان 00 من ايه؟
يمكن أكل البر الشرقي مافيهش دسامه
زي البرجر اللي بتاكله
اسمع ياابني 00
كنت أنا مره نويت اتجوز واحده
م البر الشرقي
كنت هاتطلع أبيض 00
ويمكن عينك تطلع خضره
بس أبويا00 سامحه ياربي 00
قاللي يابني 00 عيال البر الشرقي00 عيال براني
وانا ماعرفشي ايه براني 00
وايه جواني
هو العيل زي القرش؟
سمعت كلامه00
وأخدت امك م البر بتاعنا
بس خلاص00
صدقني قوم البس كوتشي
وتعال معايا نروح ع النادي
والا اسمعني00 اجري الأول00
روح لكبابجي هات لنا منه رطل كباب00
وقوله يغرقو ف التتبيله
ده برضك صاحبي00 ولازم ياكل أكل كويس
أحسن يفهم اني غشيم00 أو ان بلدنا توبها قصير
قاللي خلاص ياكبير 00 اللي تشوفه00
أصله مؤدب0
رحنا قوام ع النادي 00
لعبنا00
ضحكنا00 جرينا0
قلت لصاحبي 00 جعت خلاص؟
قاللي خلااااص
فتحت اللفه علشان ناكل ،
أصل اللعب دا حاجه تجوع0
هم ياصاحبي 00
والله ما حد يدوقها 00
قبل ما تاكل
أكله لوحده00 ما ساب فتفوته
والواد ابني قاعد يتفرج00 وهو جعان
قلت غريبه يا صاحبي 00
مش انت واعدني
انك يوم ما تخوني؟
000 تاكل أكلي وأكل عيالي!!!
قاللي وعدتك 000
اني ف يوم ماهخونك
طول ما احنا صحاب
قلت له طيب أمال ايه؟
قاللي يا ساذج00 أما صحيح فلاح
هو احنا صحاب؟؟؟؟؟؟؟؟؟
علشان كدا يا اخوانا باقول
مش من قلبي00 لأ تجربتي
اوعك يوم تتألم 00
أو ايدك مره تعلم 00
على أي ديابه
مش راح تاكل أكلك وحدك00
ولا راح تاكل أكل عيالك
لأ دا هتاكللك انت وجارك
ولا عيل عندك يبقى أستاذ جامعه
00 ولا دكتور00
ولا يبقى محامي 00
رح يبقى حرامي0
هتلاقي نفسك سنه ف سنه
00 بتطلع برا الملعب
والجون ايه0000 ف الشبكه
أوعك تفرح م الأهداف00
دا الجون ف شبكتك
خليك كدا ناصح زيي 00
لا عدت باصاحب
ولا باكل خضره
ولا حتى باحب الملوخيه الخضرا 00
و لو فيها أرانب
دا انا حتى الوقتي غيرت الشارع
وسكنت ف حاره
أصل هناك كان فيه ف شارعنا
عيل بارد اسمه لويس
وعينيه خضرا
وكمان جارنا كان اسمه أبو خشبه
وقلت الخشبه كان أصلها خضره
ولقيت ف الحاره00 رجال نواره
زي الناس الحلوه 00 الفاهمه
أصل الفوله
ومين الديب أبوعيون خضره
اللي ما ساب لي حتة لحمه
ولو ما عرفتش 00هات لك زماره
0ولو ما فهمتش00
هيجيلك يوم تسكن ف الحاره
تمت
---------------------
الزريبة: مكان تربية المواشي
الطوالة: موضع أكل الحيوانات | |
|
